Sunnudagin 15. mai verður skipað fyri pílagrímsgongu í Suðuroynni.

Í ár verður gingið úr Fámjin um Øravík til Túgvuna á Halgafelli og so aftur til Øravíkar.

Bussur koyrir frá Bønhúsinum í Øravík kl. 9.30.

Byrjað verður við stuttari gudstænastu í Fámjins kirkju kl. 10.

Aftaná verður farið til gongu eftir varðagøtuni um Øraskarð til Tingstovuna, har vit eta matpakka, sum vit hava við okkum. Steðgað verður á ávísum støðum á leiðini.

Síðan verður gingið oman til Øravíkar, har stutt gudstænast við altargongd verður í Bønhúsinum.

Eftir gudstænastuna verður gingið út á Túgvuna á Halgafelli, sum er gamla navnið á Hovstúgvuni. Har verður endað við einum bønahaldi.

Gingið/farið verður so aftur til Øravíkar. Tá verður høvi til at koma í Gistingarhúsið at eta eina døgurðamáltíð saman.

Vænti at vit koma at enda um 4 – 5 tíðina.

Av royndum og við ráðføring við onnur, verður talið av luttakarum avmarkað til 25. Tí er neyðugt við tilmelding.

Tá ávísar útreiðslur eru í samband við tiltakið, rindar hvør luttakari 100 kr.

Tey sum ynskja at verða við til døgurðan í Gistingarhúsinum rinda harumframt 100 kr. fyri mat. Drykkjuvørur eru ikki við. Tað keypir ein sær sjálvur.

Tilmelding er hjá mær á telefon nr. 371047, sum umstillar til fartelefonina, um eg ikki eri á kontórinum, ella við at senda teldupost til jfb@folkakirkjan.fo í seinasta lagi 10. mai.

Jónsvein Bech, sóknarprestur.