Leygardagin kl. 14.00 fer Johanna TG 326 fiskitúr beint útum fjarðamunnan og mett verður, at túrurin kemur at taka umleið tríggjar tímar.

Veðurgudarnir lova okkum heilt hampuligt veður og manningin á Johannu gleðir seg at taka ímóti tykkum øllum; børnum sum vaksnum.

Ein upplagdur túrur til familjuna ella teirra, ið vilja gera okkurt eyka burturúr leygardegnum og beríka sær summarfrítíðina við enn einari jaligari uppliving. Ein møguleiki, ið ikki býðst teim flestu og tískil er bert at gleðast um, at Johanna bjóðar okkum umborð til ein slíkan túr.

Umborð bjóðar manningin kaffi til tey vaksnu og kakao til tey smærru.

Børnini skulu fylgjast við vaksnum umborð á Johannu og somuleiðis skulu børn og vaksin hava tráðu og bjargingarvest við.

Kostnaður fyri túrin:

Børn: 100,00kr

Vaksin: 150,00kr